Page 58 - Неизвестное название

Тустуулаах Дьуруо Бөҕө
Солоҥдо турадас
Соноҕоһо барахсаны
Тупсаҕайдык тутга,
Хапсаҕайдык харбаата,
Тэһиинин тэниттэ,
2140 Көнтөһүн көннөрдө,
Суларын тупсарда,
Үүнүн өйөөтө,
Уостуганын оҥордо,
Таманын таарыйбата,
Сымсын тыыппата,
Тобугунан дугунна,
Такымынан тайанна,
Өдьүгэҕинэн өйөннө,
Мохсоҕоллуу бургуйда,
2150 Өксөкүлүү үөкэйдэ.
Бу чолойдор көстүбэт,
Чускуйдар иһиллибэт
Турар туруук таас хайа
Дьуларыйар дьулайыгар тахсан,
Toijyc хартыгастаах
Дьулусханнаах-энискэннээх
s Дьулуо маҥан халлаан
Дьулайыгар тахсан
Тутуһара буолуо диэн
2160 Толкуйдуу истэ.
Аарыма таас хайалар
Адаардаах арҕастара тахсан
Араҥас маҥан халлаан
Алык таһыытыгар
Аалсыһара буолуо диэн
Сабаҕалыы санаата.
Өргөстөөх төбөлөрө
Өрө үүнэн тахсан
Үс хартыҕастаах*
2170 Үрүмэ долгун маҥан халлаан
Үллэр өрөһөтүгэр
Үтүрүспүтэ буолуо диэн
Өйдүү истэ.
Өр да айаннаабытын билбэтэ,
Өтер да тахсыбытын билбэтэ,
Өндөйдөр көстүбэт,
- 55 -