Page 61 - Неизвестное название

Хайыта солоон түспүттэр.
Или алый кырыытынан
Эргиччи керен кэбиспитэ —
Эриэн чиэрбэ курдук
Эриллэҕэс-буруллаҕас аартыктар
Эриллэн буруллан,
Эҥин араас
2270 Эбир-чуо§ур дайдылар
Иҥиэстэр тардыыларын диэки
Иҥэн-сүтэн түспүттэр.
Ити аннараа таһаатынан
Этиргэн дьахтар
Иэнин куоһааҕын курдук
Эҥээрикээн-мэҥээрикээн
Эҥээт-мэҥээт аартыктар
Эҥэлдьийэн түһэн барбыттар.
Симэхсин эмээхсин
2280 Сиһин дьирбиитин курдук
Сириттэдэс-хайыттаҕас аартыктар
Тэбиэн ыраах дойдулартан
Тэбилл э н-охсулл ан,
Сиҥнэстигэс-иҥнэстигэс,
Сирдэр устун
Тиэрэ-маара эргийэн,
Тыллан-хайдан
Т арҕанан-дьыраадыһан ааспыттар.
Куһаҕан оҕонньор
2290 Хоҥкучаҕын дьаппатын курдук
Куолаҕай-иэлэҕэй аартыктар
Холуон ыраах дайдылар
Хоннохторун быттыктарын устун
Кутуллан-симиллэн барбыттар.
Хайа эмэ
Халлаан улаҕытыттан
Хараарар хапчааннарыттан
Хахайдаах, өксөкүлээх
Халысхан хаан аартыктар
2300 Хайыта солоон
Харалаһан-ирэлэһэн ааспыттар.
Сур бөрө кыылым
Ойоҕоһун уҥуоҕа
Килбэччи аалыллан ааһар
Хапчалҕаннаах хара суоллар

- 58 -