Page 54 - Неизвестное название

Сылбахтьгын өрүкүйэн,
Сыгынахтыын сыыллан,
Сыылаҥхайдаһа сыҕарыһан
Сырса хааллылар.
Ол курдук,
Уулуун дэбилийэн,
Хонуулуун долгуһуйан,
Куталыын арыллан,
1970 Ириэнэхтиин тиэриллэн,
Кеппөхтүүн күөрэйэн,
Көтөҕөлүүн көтен,
Дьайдыын тарҕанан.
Соболоҥнуун сууйуллан,
Туманныын оргуйан,
Күдэнниин өрүкүйэн,
Муустуун үрэллэн,
Буордуун бурҕайан,
Буурҕа-силиэ курдук
1980 Буут быстарынан,
Бойбур уунарынан
Муҥутуур түргэнник
Бурҕачытан түһэн,
Бара турда.
Ыраах сири ыҥыччылаата,
Күтүр сири күһэйдэ,
Бэрт сири мэккийдэ,
Дьоһун сири дьолкуйда,
Айаннатан - астара н,
1990 Сиэллэрэн-тэбиннэрэн,
Уурдаран-оҕустаран,
Дьабыдытан-дьалкытан
Киирэн барда.
Дьэбидийэр уулаах
Дьэс тыымпылар
Тимир тэриэлкэ курдук
Илбии-силбии
Иннигэр-кэннигэр
Элэҥнэһэн истилэр.
2000 Баран иһэр кыылым
Маталдьыйар батаһын түүтүн
Бараалыы туппут курдук
Батыһан бардьыгынаан
Бара турда.
- 51 -