Page 53 - Неизвестное название

Хатан-дьылҕан мастара
1920 Хабырыта баран,
Хайыта ыстанан
Хара куртуйах үөрүн курдук
Куһугуруу көтөн
Куугунаан истэ.
Үөл тыа төбөтө
Үлтү сынньыллан
Үөр курупааскы курдук
Өрүкүйэ көтөн,
Үмүрүччү тардыллан
1930 Үүрүллэн истэ.
Эргэнэ хара тыалар
Иэн иҥиирин курдук
Ибили сыыйыллан,
Иҥнэри тардыллан,
Э мэхтиин-чиргэлл и ин
Элиэ сарт курдук
Элээриһэ көтөн,
Эккирэтиһэн истилэр,
Куруҥ хара тыалар,
1940 Куурбут куруҥах тииттэрэ
Кумаланан-барчаланан,
Хоһуоччуктанан-хардаҕастанан,
Холууп-хопто курдук
Куйаара көтөн
Куугунаһан бардылар.
Көҥдөй тииттэр
Күүгүнүү сууллан
Кумаланан, баччаланан
Кутурук маһа буолан
1950 Күҥкүнэһэ көттүлэр.
Түбэ тыалар,
Түҥкэтэх дьүөдэлэр,
Төҥүргэстиин түөрүллэн
Түрбэлээх туос курдук
Түрүтэ баран
Түүрүллэ-түүрүллэ
Төкүнүһэн хааллылар,
Сыҥ ойуурдар,
Сыбар тыалар
1960 Сыҥныын сыыйыллан,
Сабардыын үрэллэн,

- 50 -