Page 57 - Неизвестное название

Өрө иэҕиллэн
Кэдэрийэн тахсан барда.
Өндөйдөр көстүбэт,
Үөгүлээтэр иһиллибэт,
Өксөйдөр бүппэт
Үрдүк өксөөннөрү
Өрө сүүрдэн,
Өрөкүтэн үөмэхтэтэн
Өксөйөн истэ.
2100 Хантайдар көстүбэт,
Хаһыытаатар иһиллибэт
Хахсааттаах хара халлааҥҥа
Хаһыырар-хатаҕастыйар
Харбаһан тахсыбыт
Дабайдар бараммат,
Таҕыстар бүппэт
Тараҕай таас дабааннары
Дабайдар дабайан,
Дьабыдытан дьалкыйан
2110 Тахсан истэ.
Таарбаҕан кыылым
Тарбачыһан тахсан,
Тыныраҕа хатаммакка
Таралыйан түһэр
Лаһыгырыы сааллан,
Чачыгырыы таммалыы турар
Чаҕыптыалаах үрдүк
Чакыыр таас дайды буолла.
Чубуку кыылым
2120 Тохтоон тутуспакка,
Төкүнүйэн түһэр
Лөчүгүрүү тохто турар
Туруук хайалар
Дьуларыйар дьулахайдарын диэки
Солоҥдо тураҕас
Соноҕоһо барахсан
Туйаҕа халтарыйбат,
Сүһүөҕэ бүдүрүйбэт эбит,
Сулумах соногюс курдук
2130 Субуруйан истэ.
Таҕыстаҕын аайы
Сата курдук сытайда,
Сындыыс курдук сыыйылынна.

-54-