Page 66 - Неизвестное название

Таһаҕас үрэллибит,
Сутука ыһыллыбыт,
2480 Туйах туллубут.
Сото тосту бут,
Ыыраах ыллыбыт,
Силгэ быстыбыт,
Сэбиргэх бэттибит,
Хол көтүллүбүт,
Хоҥкучах үлтүрүйбүт,
Самах хайдыбыт,
Наарта хампарыйбыт,
Көлө көлөттүбүт,
2490 Көлөһүн тохтубут,
Күүс быстыбыт,
Кыһалда кыһарыйбыт,
Эрэй эҥэрдэспит,
Алдьархай бөҕө аргыстаспыт
Айдам-сайдам аартык,
Суухам-саахам суол,
Элэй-мэлэй
Эрбэдэһин-дуоһун
Дойду буолла.
2500 — Уот-татай, оҕолор!
Бу, маннык
Ыйдар-хайдар биллибэт,
Ыпсыыта-дьайҕата көстүбэт
Ыраах дойдуга
Ытыллан түһэр ыллыктартан,
Аата-ахсаана биллибэт
Алдьархайдаах садыамнаах
Анараа дайдылыр диэки
Аалсыһан барбыт
2510 Аҥылханнаах аартыктартан
Суналханнаах-содуомнаах
Дьулаа-хара суолларын
Ол адьарай бөҕө адьырҕата,
Көстүбэт бөҕө күтүрдээҕэ,
Түркүннээх түөкүнэ
Тимир Сигиди бухатыыр
Хайа аартыгы харбаабытын,
Ханнык хапчаанынан барбытын,
Туох суолу туппутун
2520 Тугунан булан сонордоһуохпунуй,
- 63 -