Page 65 - Неизвестное название

Сүтүгүн булаары,
Түөкүнү тутаары
Тиэтэл-таатал бөдөнөн
Түҥкэл-таҥхал түспүт,
Түлэс-балас айаннаабыт.
2440 Эккирэппитгэн куотаары
Илиэх-балаах дайбаабыт,
Иритэ-сиритэ харбаспыт,
Уҥуох тосторунан ойбут,
Сүрүн быстарынан сүүрбүт,
Хол-буут уунарынан
Куодьайа-куодьайа куоппут,
Иҥиир быстарынан,
Элэ баарынан
Иҥсэрэн туран эккирэппит,
2450 Тараһа хайдарынан,
Таман быстарынан
Дьаныардаахтык сайыаласпыт,
Түбэспит түҥнэри көтүллүбүт,
Табыллыбыт таҥнары анньыллыбыт,
Охтубут унуоҕа кумаламмыт,
Иҥнибит ибили тэпсиллибит,
Сыылба сытан ньыһыллыбыт,
Бытаан быһыта үктэммит,
Бокоойу букатын боҕуттубут,
2460 Бурҕалдьы булгуруйбут,
Олгуобуйа тостубут,
Оһол тосхойбут,
Алар алдьаммыт,
Алдьархай адалыйбыт,
Сыарҕа таҥнастыбыт,
Сырка сүөллүбүт,*
Мыаннарык быстыбыт.
Холун ууммут,
Дьирим силлибит,
2470 Ын'ыыр холборуйбут,
Ындыы сүөкэммит,
Хаҥка тостубут,
Xapatja төлөрүйбүт,
Хааһах төкүнүйбүт,
Сүрүн быстыбыт,
Сүһүөх бүлгүрүйбүт,
Түбүк түспүт.
-62