Page 70 - Неизвестное название

2650 Мандайан көстөр
Кутаа-чаппа уйатын үрдүгэр
Тумул хайа бысаҕаһын саҕа
Далл ан өксөкү кыыл
Сымыытын баттаан,
Дагдайа үллэн сытар эбит.
Тустуулаах Дьуруо Бөҕө
Торҕоотоон сытар
Т олбонноох-эбирдээх
Тойон кыыл иннигэр киирэн,
2660 Тохтуу түһэн баран,
Саманнык диэн
Саҥа саҥара турбут эбит:
— Дьиэ-буо, дьиэ-буо!
Бу кынаттаах кыыл
Кылааннаах өргөстөөҕө,
Күтүрдээх улахан
Табыталлаах кыылым
Тал бан суолугар
Талыы ааттааҕа,
2670 Хотоҕойдоох кыылым
Хорсуннаах тойотторо буолбут
Халлаан ийэ
Хабараан хардааччыта,
Сир ийэ
Дэгиэлээх тыҥырахтааҕын
Силэрийэр кинээһэ,
Чобуо тумустааҕым
Дьуларыйар тойонноро —
Эн диэтэх буоллаҕыҥ.
2680 Сири-сибиири
Сиксигинэн эргийбитиҥ буолуо,
Улуу дойдулары
Улаҕатынан урбачыйан,
Бу дойду аҕыс уон
Аҥылҕаннаах аартыктарын
Аҕыс тарбаҕыҥ
Ахсаанын курдук
Аахпыт ахан сириҥ буолуо,
Тоҕус уон
2690 Олур^алаах суолларын
Тоҕус тыныраҕыҥ курдук
Чопчу-чуолкай билэриҥ буолуо.
- 67 -