Page 67 - Неизвестное название

Хантан хайдах батыһыахпыный,
Кимтэн истэн
Эккирэтиэх бэйэбиний диэн,
Мунаара санаата,
Мунаахсыйа быһыытыйда.
Кэлээччилэртэн-барааччылартан
Кэпсэтэн көрүөххэ,
Ыллык-аартык айанньыттарыттан
Ыйыталаһан истйэххэ,
2530 Суол-иис дьонуттан
Сураһан ирдэһэн,
Көрүөххэ диэн,
Кэлбити кытта кэпсэтээри,
Чугаһаабыттан сураһаары,
Ыраахтан ыйыталаһаары,
Аартык айаҕар аараата,
Суол төрдүгэр тохтоото,
Тоһуйан турда.
Бу туран кэлбиттэри кытта
2540 Кэпсэтээри гыммыта —
Кылар харахтаах,
Кыҥнастыгас бүлгүннээх,
Кылдьыры моонньулаах,
Кыкыр-хахыр саҥалаах,
Кый-хай тойуктаах,
Кыиырдыа* хааннаах,
Кыдьынгы хара удьуордара
Кыйдаһан -хайдаһан,
Кыл а нан-час кыйан,
2550 Кырбаһан-эттэһэн,
Кыһарыһан-хабырыһан
Түһэр сирдэрэ буолла.
Хайа эмэ дойдулар
Хабыллар хапчааннарыттан,
Хараарар бэлэһиттэн
Хадай хааннаах,
Хардааччы сигилиилээх,
Харылҕан харахтаах,
Хатааннаах санаалаах,
2560 Хатыылаах эттээх
Харе а дьабын аймахтарыттан
Хаһыытаһан-ыһыытаһан,
Хайыта-сиритэ харбаһан,

- 64 -