Page 195 - Сергей Васильев. Хоһооннор, поэмалар
P. 195
Ойуур тумул саҕатыгар
Оҕус айаатаан лоҥкунуура,
Ынах далын иһигэр
Ыыспа күөдьүйэн унаарара.
Кэрэ да буолара —
Кии сыта кэлэрэ,
Ойуурдарга туолара
Оҕо-уруу саҥата,
Ыраах да барара
Ырыа-тойук дуораана.
Үтүө сайылыгым
Үүннэрбит ыччаттара
Хайгыа-тимир тайахтанан
Хайа уҥуор барбыттара,
Кулур кумааҕы кынаттанан
Куораттарга көппүттэрэ.
Ким
Үрүҥ көмүс аалланан
Өлүөнэни өксөйбүтэ.
Ким
Кыыһар былыты үрдүнэн
Кылбаарыйа дайбыта.
Ким
Араҕас эттээх иэдэһигэр
Аҥыныаҕы иҥэрбитэ.
Улуу сайылыгым
Оҕолообут оҕолоро
Уоттаах сэрйи күнүгэр
Уйуһуйан барбыттара,
Ийэ дойдум иннигэр
Эрчимнээхтик хаампыттара.
Халыҥ тимир танкалара
Халыгырыыр тыаһын
Карпат хайата истибитэ,
Бигэ тимир танкалара
Бетон куйаҕы алдьатарын
Берлин куорат билбитэ.
Өстөөх көхсүн хараҕын
Өргөһүнэн үөлсүбүттэрэ,
189
