Page 199 - Сергей Васильев. Хоһооннор, поэмалар

Хааман налыйан кэлэр,
.Хатын кийииттэриҥ ханналарый*
Уҥа диэкиттэн
Ойон туран кэлэр,
Уолаттарыҥ ханна баартарай?
Онуоха оҕонньор,
Утары эргийэн,
Оргууй аҕайдык
Оронон туран,
Олорон кэбистэ.

Буобура сыыһа саҕалаах
Болтуо сонун
Бүлгүгүр санныгар
Бүрүнэ бырахта.
Бойбоччу түспүт
Бороҥ хаатыҥкатыттан,
Хатыҥ уктаах быһаҕы ылан
Хамсатын хаһан хачыгыратта
Уонна, симэн-симэн,
Уохтаах табаҕы уурунан,
Убаҕас унаар буруону
Уһууран таһаарда.

— Улахан уолум
Уопсай сүөһүгэ
От тиэйэ барбыта;
Аччыгый уолум
Райсоюзка ааҕыннаан,
Ахсаан аахса тахсыбыта;
Хотун кийииттэрим
Хонук мае тиэйээри,
Хомурах хаары
Хомуру тэпсэ баартара;
Оҕолорум оҕолоро
Уҥа диэки, итиннэ,
Оонньоон булкулла сылдьаллар.
Бэйэм,—
Сүрэҕим баҕатынан,
Сүөһү ферматыгар,
Өрүү-өрүү, харабыллыыр эрэ
Үлэлээх киһибин...
Сергей Васильев 193