Page 203 - Сергей Васильев. Хоһооннор, поэмалар
P. 203
Дьадаҥы аймах, биһиги —
Этэрбэс кэтээт
Эрэйи билэн,
Сон кэтээт
Сору көрөн,
Булгуйбат буулаҕа
Бурҕалдьыны ооспуппут,
Кыларыйбат кырыыска
Кыпчыттаран олорбуппут...
— Эһэм оҕонньор,
Сэһэргээ эрэ ыл,
Аныгы былааска,—
Совет салалтатыгар
Кимнээҕи талаҥҥын
Кэскиллээх олоххор
Килбиэннээх аартыгы тэллэрбиккиний
Дьоллоох үйэҕэр
Дьуолкалаах суолу солоппуккунуй?
— Талбытым,
Көнө сүрэхтээх,
Күүстээх санаалаах, *
Тоҥтон толлубат
Толуу дьоннорбун,
Ириэнэхтэн иҥнибэт
Эрдээх эрэттэрбнн...
Одуулаа эрэ,
Уҥа түннүгүнэн:
Мэндиэмэннээх дьиэлэр
Мэндэһэллэр дуо?
Киэҥ түннүктэр
Килбэчиһэллэр дуо?
Хайыс эрэ ити
Хаҥас түннүккэ:
Оол көстөр ээ
Уһун хара турба!
Бар-дьоҥҥо бурдук тардан
Барабыык үлэлиир дуо?
Им-балайы хайа тыган
Ильич лаампата умайар дуо?
