Page 202 - Сергей Васильев. Хоһооннор, поэмалар

Дьоҥҥо суол ыйан биэрбэт,
Хоппуруоһап Хабырыыс кытта
Кулубалаан куоҕаҥнаабыта.

Сорохтор,
Суоһунан-суодалынан эрэ
Сордууллар этэ,
Сорохтор,
Соролоон сииринэн эрэ
Суудайаллар этэ.

Ол курдук,
Уһуктаах Сэмэн,
Улууска кулубалыан
Уон ый инниттэн,
Оҕуруотуи муннугар
Остуруок дьиэни туттарбыта үһү;
Кылыкынай оҕонньор
Кылаабынай кинээс буолуон
Кыс аҥарын инниттэн,
Кымньыы буолар талаҕы
Кыбыытыгар мустарбыта үһү.

Кинилэртэн ким даҕаны,
Киһи туһа диэн,
Киэҥ суолу солоппотбҕо,
Бар-дьон иннэ диэн,
Балаҕан өһүөтүн үрдэппэтэҕэ.

«Ыраахтааҕы суола!»— дии-дии
Ынах эмиийиттэн
Ыатан ылбыттара;
«Хоруона туһатыгар!»— дии-дии,
Хоолдьук уҥуоҕуттан
Хоргуннатан барбыттара.

Кинилэри кытта
Кэриим аҕабыта
Кэккэлэһэ хаамсыбыта,
Арыгы тутуурдаах
Алыыһыт сырсыбыта.
196