Page 204 - Сергей Васильев. Хоһооннор, поэмалар

Быллаардаах бырааннары
Быһыта дабайан,
Халыҥ хара тыалары
Хайыта тыыран,
Телефон быата
Тилийэ сүүрбэт дуо?

Ити барыта
Мин кырдьаммын,
Миилэм кырыыта
Миккиллибитин кэннэ,
Чаҕылхай ньуурум
Чаччыстыбытын кэннэ,
Аҕыйах сыл иһигэр
Айыллан үөскээтэ.

Ону көрө-көрө
Олус үөрэбин,
Оҕонньор бэйэм
Уолбар түспүккэ дылы буолабын,
Айгыраабыт үүдэһиммин
Абырахтаабыт курдук буолабын,

Тоҕо үөрбэт 'буолуохпунуй,
Ыччаттарым дьоллоругар —
Ыстаал маесыына
Сири солоон силгэйэр,
Сиэмэни астаан тибийэр
Буолбутун кэннэ!
Тоҕо үөрбэт буолуохпунуй,
Тойон Мүрүм тула
Торҕо унаар буруо
Хойдубутун кэннэ!

Тоҕо үөрбэт буолуохпунуй,
Саха норуота
Сайда, үүнэ турдун диэн,
Улуу партиябыт
Уруйдуур буолбутун кэннэ!
— Эт эрэ оҕонньоор,
Эһиги бэйэҕит уокуруккутугар
Кнмнээҕи талар туһунан
1Э8