Page 230 - Сергей Васильев. Хоһооннор, поэмалар

Ааҕаллар, суоттууллар
Алдьатыылаах күүстэрин, атомнарын,
Халыыр-уоттуур
Хара төлөннөөх суолларын.
Ырьгган суоттаан
Ыпсыытын-ардын булбаттар,
Хааннаах суолтан атыны
Ханныгы да көрбөттөр...
Оттон кыра-дьадаҥы муҥнаах
Омоон суола, онно, — муҥур, мунаах...
Хаҥас арахсан барыаҕын —
Хара түрмэ аана
Хабан ылыах халыргыыр,
Уҥа диэкинэн ааһыаҕын —
Оҕуур, ыйыыр быа
Иилэ харбыах элэҥниир,
Кэннинэн төннүөҕүн —
Ким эрэ кэтэһэр,
Иннинэн сүүрүөҕүн —
Иин айаҕа эҥэйэр.

Турар-турбат барытын
Тоҕус уон тоҕуһа, онно,
Иринньэх иэһэр бэйэлэнэр,
Эриэн этирик түестэнэр.
Оһох иннэ кураанах,—
Оҕо-дьахтар ытыыр,
Суох мастааҕар кытаанах, —
Дьон-норуот аччыктыыр.

Дьэ ол иһин,
Ыйы-хайы быыһынан
Ыраас суолу булунан,
Баттаммыт-үктэммит сатаран,
Байҕал баалыныы барҕаран,
Хараҥа хаайыылары хампарытар,
Хара ыйыыр мастары суулларар.
Советскай Союз дойдута,
Социализм кыайбыт знамята
Уоттаах күн буолан,
Улуу сырдык чыпчаалга —
224