Page 27 - Сергей Васильев. Хоһооннор, поэмалар

Көдьүүс-туһа кэлбэккэ,
Күүспүт-уохпут тиийбэккэ —
Кылгаан-дьадайан испиппит,
Кыаммат-түгэммэт буолбуппут
Муҥу-сору көрөммүт,
Муҥур уһугар тиийэммит :
Баайга-токко кэлэммит, //
Баттал илимэр иҥнэммйт,
Иэскэ-күүскэ киирэрбит,
Иҥнир тараһа буоларбыт...
Билигин саҥа юлоххо
Биһиги артыал тэринэн
Күүһү-уоҕу холбуоҕуҥ,
Күүрэн-түллэн туруоҕуҥ.
Оннук артыал буоллахха,
Олох дьолун буллахха,
Тэгил бииргэ үүнзммит
Тэҥнээх ыаллар буоламмыт,
Саҥа суолу аһыахпыт,
Сайдан тыыллан барыахпыт.
Ордук суолу булунан,
Олоҕу-дьаһаҕы тутунан
Күүстээх ыаллар буэлуохпуту
Көнөн-байан иһиэхпит, —.
Үскэл сүөһү иитиэхпит,
Үүнүү бэрдин ылыахпыт,
Үөрэх күүһүн тутуохпут,
Үрдүк дьолго тиийиэхпит!»
Арамаан. совет барахсан
«Арыылаах эбэ» ыалларын
Ити курдук сүбэлээн,
Иилээн-саҕалаан испитэ...
«Арыылаах эбэ» ыаллара —
«Атах-бытах» дьонноро
Аныгы суолга кэлэннэр,
Артыал диэҥҥэ киирэннэр,
Бары бииргэ үлэлээн,
Бастыҥ дьолу саҕалаан
Күүһүрэн-уоҕуран испиттэр,
Көнөн-байан барбыттар...
21