Page 29 - Сергей Васильев. Хоһооннор, поэмалар

‘Оонньуу-күлүү арыйан,
Көҥүл, сынньалаҥ күннэргэ
Күлүү-оонньуу тэрийбит,
Ыпсар-түмсэр кэмнэргэ
Ырыа-тойук дьиэрэйбит...

Ыксал-тиэтэл сырыылаах,
Ылар-биэрэр наадалаах
Сүүрдэн кэлэр ааныгар,
Сүрүн. айан суолугар,
Табаар-таҥас тарҕатар
Лааппы дьиэтэ дьэндэйбит.
Сибэкки-дьэрэкээн ойуулаах
Сиидзс, сатыын тэнийбит,
Ойуу-мандаар оһуордаах
Остуол яһитэ дэлэйбит,
Саа, чаһы, патефон
Салаҥ элбэх тахсыбыт,
Атыы-тутуу аһыллан,
Араас талба тарҕаммыт...

Арыы тумул күөнүгэр,
«Атах көлүйэ» үрдүгэр
Барыҥый түүнү сырдатар
Барабыык дьиэтэ тутуллан
Уһун хара турбаттан
Унаар буруо субуйбут,
Тиҥийэр-таҥыйар тыаһыттан
Тиҥилэх кытта доргуйбут.
Эргим-ургум көттөххө,
Иһин киирэн кердөххө:
Хара оһох иһигэр
Хардаҕас кутаа умайбыт,
Улахан хочуол иһигэр
Уута барылыы оргуйбут.
Үгүс паарга үрдэрэн,
Уллэр күүскэ үттэрэн,
«Оотуун»1 тимир куһуйбут,
Сотуох-сотуох олуйбут.
Көлөһө тимир эргийэн,
Күөччэх курдук дьэргэйэн,

1 „С о т у у н“— шатун.
23