Page 30 - Сергей Васильев. Хоһооннор, поэмалар

Ситим быаны субуйбут,
Сирдир-сирдир охсубут.
Суоруна тааһа кирилээн,
Сотой, мэлийэн бирилээн,
Бугул саҕа үллэйбит —
Бурдук аһын түһэрбит.
Араас-араас дойдуттан
Аттаах, сатыы айгыстан,
Бука бары кэлэннэр
Бурдик тартаран ылбыттар.
Үрүҥ күммүт киириитэ,
Үлэ чааһа бүтүүтэ,
Барабыыкпыт барахсан
Барыар хара турбата
Үөлэс аһан үөгүлээбит,
Үөһэ үрэн күрүлээбит.
Кини дьаалы хаһыыта
Киэһэ хатан дьыбарга
Дуораан буолан тунуйбут,
Дойду баһын доргуппут.
Тэҥҥэ тутуллан дьэндэйбит,
Тэгил-тэҥнээх дьиэлэрбит
Дэлэйэн, элбээн барбыттар
Дэриэбинэ бэрдэ буолбуттар.
Көрөр күнүм түһүгэ,
Күндү таастаах түн.нүгэ
Күнүм уот^н көрсүбүт,
Күлүм-дьирим мөхсүбүт.
Аныгы олох айхала —
Арамаан совет артыала,
Даарда сыарҕа оҥорон,
Таһаҕас ууран толорон,
Тыаһаан-ууһаан дьүккүйбүт,.
Трактор «аты» көлүйбүт.
Трактор көлө обургу
Таһаҕас ыарын соһоору,
Уҥа бүөрүн аннынан
Ун.аар буруонан уһуурбут^
Кэтит айан суол>нан
Кини дьаалы дьулуйбут.
Кини дьаалы киппэйэн,
24