Page 28 - Сергей Васильев. Хоһооннор, поэмалар

II
Аныгы олох айхала —
Арамаан совет артыала
Араҕас-ньүөгү алаастан.
Арыы балаһа анатан
Ылан олорор сирдэрин,
Ырҕа-дьаалы киэптэрин,
Күөрэгэй чыычаах буоламмын,
Көтө-күөрэйэ сылдьаммын
Көрө-билэ турабын,
Корен туран туойабын...

Бөдөҥ лоһуор мастардаах,
Бөлкөй ойуур тулалаах,
«Арыылаах збэ» үрэҕэр,
Алар хонуу кэтэҕэр,
Остуол ньуура хонууга
Олох ылан уурунак,
Аллара кыһыл кумахтан
Акылаат киирэн анньынан,
Үрдүк үтүө мындаалаах
Үөрэх дьиэтэ тутуллан,
Оҕо аймах күннээбит
Оонньуу-күлүү дэлэйбит...

Айан суолун таһыгар
Ааҕар балаҕан тутуллан,
Араас хоһун иһигэр
Арыл-дыргыл тардыллан,
Олох, ыскаап хайдыаҕынан,
Остуол атаҕа уйуоҕунан
Кинигэ, сурунаал элбээбит,
Кэрэ-дьикти дэлэйбит.
Сайаҕас үтүө санаалаах,
Сайдан тахсар саргылаах,
Эгил-тэгил улааппыт
Эдэр чэгиэн ыччаппыт
Кэрэ үөрэҕи билээри
Кинигэ тылын кичэйбит,
Сонун нуомаһы булаары
'Сурунаал иһин арыйбыт...
Олохтоох дьону хомуйан,
22