Page 31 - Сергей Васильев. Хоһооннор, поэмалар

Килэгир тимир килтэйэн,
Чэгиэн сиртэн тирэнэн,
Дьиэтин диэки тэбинэн,
Бирилии-бирилии билтэйбнт,
Күрүлүү-күрүлүү күлтэйбит.

Аныгы олох айхалын —
Арамаак совет артыалын,
Арыы бөлөх ыалларын
Арыый аҕай үрдүнэн,
Күөх урсун күөнүгэр,
Күн долгун көхсүгэр
Тимир кынат тэрэйэн,
Тирилии-тирилии тэлээрэи,
Көҥүл олох «күөрэгэйэ»
Көтөр аалбыт тайааран
Үөһэ-аллара күөрэйбит,
Үстэ-түөртэ эргийбит...
Күнүм уота күрэкэк,
Күлүк түүнүм күһэйэн,
Барык-сарык тустуута,
Бадыа-бүдүө буолуута,
Күүстээх барабыык уоттарын
Күлүм-дьирим уматан --
Ильич сырдык лаампатын
Илэ-чахчы тыктарбыт,
Хара бараан түүннэри
Хайа тэлэ сырдаппыт...

Аны Арамаан артыалын
Алаастарын кэрийэн,
Ымыы чыычаах куолаһынаи,.
Ыллыы-туойа түрдаҕым...
Хатыҥ чараҥ тумуллаах,
Халыҥ ойуур тулалаах,
Бүччүм сайылык киинигэр,
Бүтэй хаарчах бүөрүгэр
Сүүрэн-көтөн үөскээбит
Сүөһү арааһа элбээбит.
Алыс модьу көрүҥнээх
Атыыр оҕус барахсан
Үрүҥ-хара дьүһүннээх
25