Page 308 - Сергей Васильев. Хоһооннор, поэмалар
P. 308
КИЭН ТУТТАБЫН
Киһи мустар, оһуохай буолар
Киэҥ хонуулаахпынан,
Сэһэҥҥэ киирэр, ырыаҕа хоһуллар
Сиэдэрэй толоонноохпунан
киэн туттабын!
Маннык үтүө дойдуну «миэнэ!» диэн бүөбэйдээк
Маанылаан, бас билэн, хаһаайын буолан
Кэрэ куоратынан, киэҥ буоланан
Киэргэстпит советскай сахам норуотунан
киэн туттабын!
Оо, хаһан,
Омук сиригэр, сир муннугар
Үлэһит киһи аймах барыта
Үөскээбит-төрөөбүт дойдутугар бэйэтэ
Биһиги курдук хаһаайын буолуоҕай,
Биһиги курдук кининэн киэн туттуоҕай?
Хаһан,
Өрүстэр, үрэхтэр барылара
Өлүенэм курдук холкутук доллоһо устуохтарай?
Толооннор-хонуулар ньуурдара
Туймаадам курдук долгуһа-чэлгиһэ туруохтарай?
Хаһан,
Бүтүн аан дойду үлэһит дьоно
Бүттүүн бу биһиги — советскай норуот курдук,
Күөх унаар дойдуларыгар
Көҥүл ырыанан күүлэйдиэхтэрэй,
Сымнаҕас солко хонууларыгар
Сылаас тапталга таалалыахтарай?'
302
