Page 309 - Сергей Васильев. Хоһооннор, поэмалар

Өрүс барыта
Өлүөнэм курдук, Волгам курдук
Харгыны билбэккэ
Халыһыйа сүүрэрэ буоллар,
Алаас барыта
Аммам курдук, Кубаным курдук
Үтүмэн өҥүнэн
Өрө үллэн чэлгийэрэ буоллар,
Аан дойду барыта
Соргута сонуо этэ,
Өрөгөйө үрдүө этэ.
Киһи барыта
Бу биһиги курдук,
Күөх унаар дойдутугар
Көҥүл-босхо күүлэйдиирэ буоллар,
Сылаас илгэ еалгыныгар
Сынньалаҥнык сыламныыра буоллар,
Бар-дьон сырдык ньууругар
Барык-күлүк еүтүөх этэ!
Ыччат да, кырдьаҕас да ортотугар
Ытыыр-соҥуур астыах этэ!

Онно сирдиир, чаҕылыйар,
Улуу суол нэлэһийэр...
Халлааҥҥа этиҥ хабырыттар,
Хатан уот бытарыттар...
Дьон-норуот түмүллэр,
Турутур ССРС дэһэллэр!