Page 314 - Сергей Васильев. Хоһооннор, поэмалар
P. 314
Хонугу үйэ оҥостон,
Өр даҕаны туораатым этэ
Өлүү илэ үҥкүүлээбит толоонун.
Халлаан сырдыыта
Хара баттахтаах бэйэм
Күн ортотугар тиийбэккэ
Көгөччөр көрүҥнүйбүтэ,
Чаанньык быстыҥар тиийбэккэ
Чанчыгым аһа кыырыктыйбыта.
Аан дойду дьылҕатын быһааран,
Аламай күн сырдыгын былдьаһан.
Ыраас да санааланан
Ырааҕы да1 курдаттыы көрөк
Үөт аннкгар өрөтөлөөбүтүм,
Өлүүнү утары үөмүтэлээбитим...
Житомир чугаһыгар,
Сэрии буолбут ойуурун аттыгар
Кый буулдьаҕа табыллан,
Кыа хааммынан
Кырсы кырааскалаабытым,
Хорук тымырым хаанынан
Кумаҕы силимнээбитим...
Киевкэ киирэн,
Госпиталга сытан
Хос куорсун анньыммытым,
Буулдьам суолун оһорунан
Фроҥҥа төннүбүтүм...
Киһи аймах
Кэскилин быһаарсыбытым,
Өстөөх сэриитин
Өргөһүн тоһутуспутум...
Күн сиригэр көстүөхпүттэн
Күндүттэн күндүнэн:
Эчэйбит илиибин
Эн кыыһыҥ имэрийбитин өйдүүбүн!
Аан дойдуга кэлиэхпиттэн
Ас кэрэтинэн,
Сөрүүн уугунан
Сүрэхпин сөрүүкэппиппин өйдүүбүн!
308
