Page 316 - Сергей Васильев. Хоһооннор, поэмалар

ТАПТАЛ

«Халыан хайыһарбынан
Халыҥ хаары хайа тыыран
Хайалары чиэрэстээтэхпинэ, —
— Түөһүм иһэ
Дөксө ордук суоспуттуу
Тугу эрэ суохтуур...

Кыраай, кыраһа кырсыгар,
Кыл кылыым үрдүгэр
Кылааннааҕы охтордохпуна,—
—Түөһүм иһэ
Дөксө ордук суоспуттуу
Тугу эрэ суохтуур...

Ээ, суохтуубун кинини,
Эдэркээн киһини...
Кинилиин үөрүүбүн үллэстээри,
Килбиктик, истиҥник көрсүһээри...

Ол, кини миигин ыҥырар инники,
Талбаттан талбаҕа, үрдүккэ,
Тапталга, үөрүүгэ...
Ол үөрүүттэн өрө көтөҕүллэн,
Ис сүрэхтэн инники ыҥырыллан —
— Тыалга да тоҥмоппун,
Ыраахха да ырбаппын.

Көмүлүөк оһоҕум күлүбүрээн,
Күлэн-үөрэн саһыгыраан,
Таһыттан да сырайдар,
Чугастан да ититтэр
310