Page 365 - Сергей Васильев. Хоһооннор, поэмалар

Тимирбит таас курдук,
Аны, ити Өлөксөй
Атыыһыт сииктээх хотонутта.1
Кун дьикти күлүмүгэр
Күөрэйбэккэ мэлийиэ дуу?

Түүҥҥү хаһыҥтан хагдарыйан
Түспүт сибэкки курдук,
Ити Өлөксөй эрэйдээх
Иэримэ дьиэтигэр эргийбэккэ,
Сүөдэр атыыһыт тымныы муннугар
Сөҥөн хаалыа дуу?

Сыыһы-буору өре сүгэн,
Сырдык диэки дэрбэйэ үүнэн,
Сир саҕатыгар тахсыбыт
Сибэкки-ньургуһун курдук,
Эдэр ыччат ортотугар
Эргийэн, үөрэн кэлиэ дуо?

Хотоҕойугар куорсун анньан,
Кынатыгар кылаан үүннэрэн,
Куугунуу-куйаара дайбыт
Хотой оҕотун курдук,
Киэҥ кыраай кэрэ ньууругар,
Кэлэн, эмиэ үөрүө-көтүө дуо?..»

Устунан ити аайы кини
Улам хараҕа кыараата,
Уҥуоҕа, төбөтө ыараата...

Чаачар саата соҕотоҕун
Чаампы таһыгар сытта,
Уһуктаах оноҕос тулаайаҕын
Оһох кзннигэр хатта.
Илин халлаа-н. эҥээриттэн
Им-чуумпу
Ийэ бараан түүн
Өрө үөмэн тахсан,
Өндүл маҕан халлааны
Өлбөөдүтэн истэ,
Арҕаа саҕахха тиэрдэн ими
Аргыый саба аста.
359