Page 364 - Сергей Васильев. Хоһооннор, поэмалар

Үгүс баайдаах атыыһыкка
Үлэлии барсар буолла.
Онньоҕунан тиэрэ барбыт
Олооччу этэрбэһи кэтэртилэр,
Ийэтин эргэ сонун
Эрийэ тардан курдаатылар.
«Тирии кынат» диэбит курдук,
Тэлимнэҕэс эҥэрдээтилэр,
«Кунаах тебе» диэбит курдук,
Кубаҕай хортуустаатылар.
Ийэтэ Сыкана эмээхсин
Иннигэр сыһыары тарта:
«Ити дьонуҥ тылын истэр буолаар,
Этэҥҥэ, үчүгэйдик сылдьаар».
Сөрүү-ыга кууһан.,
Сүүһүттэн сыллаата,
Сырдык көмүскэтэ туолан,
Сылаас уу сыккыраата...

Ахсым атынан дибдигирэтэн,
Арҕаа суолунан бардылар,
Ойууру быыһынан элэҥнэтэл,
Олох көстүбэт буоллулар.

Үһүө ытта оонньообут
Үрдүк суон тииттэрэ
Суол икки өттүгэр
Суодаһан, куруһан. турдулар,
Төбөлөрүн хаҥкыччы туттан,
Түһэн, нөрүһэн хааллылар.

Унаар санаарҕаан, санньыйан киирэн,
Ортоку ороҥҥо сытта.
Кэтээбит курдук саҥа-иҥэ ньимийэн,
Киһи тыьгнын им-чуумпү ыкта.
Кини төбөтүгэр
Кэмэтэ суох санаалар
Элэҥнээн аастылар,
Эмиэ төннөн кэллилэр,
Эмиэ уулан сүттүлэр,
Эмиэ симсэн элбээтилэр.
«...Дириҥ ууга быраҕыллан,
358