Page 37 - Сергей Васильев. Хоһооннор, поэмалар
P. 37
Булуҥҥа, Бүлүүгэ, Тааттаҕа, Аммаҕа
Атаака оҥорон, кутааны аспыппыт.
Баай-тойот үөр баанда сэриитин кыайаммьпу
Б>оруттан-сыыһыттан имнэри быспыппыт.
Чээччэйбит тиэргэнин иһигэр хаайаммыт,
Күл гынан көтүтэн, күдэҥҥэ ыспыппыт.
Илйнтэн, арҕааттан Сибири эргитэн,
Суруктаах уот кыһыл луосуну тарпыппыт.
Дьон-норуот иннигэр ырыаны ньиргитэн,
Үөрүүлээх-көтүүлээх миитини аспыппыт.
Охсуһуу, былдьаһыы итинэн бүппэтэх —
Хас хардыы иһигэр мэһэйи көрбүппүт.
Сэрииттэн сиҥнэстэн, күн, сырдык киирбэтэх
Дьиэ, өтөх өһүөтүн, ол киирэн, сүкпүппүт.
Кый-бырах үргүбүт сүөһүнү үмүөрэн,
Өтөҕүн далыгар сылбахха хаайбыппыт.
Күөх хонуу күөнүгэр бурдугу үүннэрэн,
Сиҥнибит бүтэйин т^руоран саппыппыт.
Күөкэгэр кириэстээх, көй албын сиэркибэ
Оннугар сып-сырдык оскуола аспыппыт.
Дьоннору ыҥыран, көстүүлээх миэстэҕэ
Көмүстүү суруктаах биллэрии саайбыппыт.
«Саҥалыы сайдыылаах олоҕу тутарга,
Түргэнник, ыл кэлиҥ, барыаҕыҥ»,—диэбиппит,
Күн-көмүс дьуолкалаах, далаһа уурарга
Сүгэлээх, эрбиилээх сүүрүүнэн кэлбиппит.
Көрбүтү-сөхпүтү, илиитэ чэрдээҕи,
«Чэ тугуй?» — дэтэммит, туруору тарпыппыт.
Илиитин тиэринэн үлэлиэх эрдээҕи
Бараакка туруоран, ырыанан. барбыппыт.
Коммунист партия салайар суолунан
Улаатан, уон биэстээх сааспытын туоллубут.
Кылбаҥныыр-тырымныыр сулуспут уотунан
Ыччаты инники ыҥыран бардыбыт.
1935 с.
