Page 35 - Сергей Васильев. Хоһооннор, поэмалар
P. 35
«Түрдүр-түрдүр» быспыттар,
Түүтэх оҥорон баайбыттар.
Унаар-мэнээр уорҕалаах
Уолба сыһыы иһиттэн,
Маҥаас аты сайыалаан,
Маҥан акка лааралаан,
Быһар сэпкэ көлүйэн,
Былаһын тула эргитэн,
Түбүк-түлүөн түспүттэр,
Түүтэх түһэрэн испиттэр.
Субу-субу чоротон,
Соһулуон гына олордон
Кураан уотугар уурб^ттар,
Куурдан-хатаран ылбыттар...
* * *
Уоттаах күнүм анныгар,
Унаар долгун үрдүгэр,
Күөрэгэй чыычаах буоламмын,
Көтө-көрүлүү сылдьаммын:
Аныгы олох айхала —
Арамаан совет артыала
Күнүнэн-дьылынан күүһүрэн,
Көҥүл олоҕу күөдьүтэн
Чапчыйан-дарбыйан. кэлбитин
Чахчы бэйэм көрөммүн
Үөрэ-көтө ыллаатым,
Үрдүк дьолу тыллаатым...
1929 с.
