Page 34 - Сергей Васильев. Хоһооннор, поэмалар

Эдэр чэгиэн эдьиийдэр
Кыра тиистээх кыраабыл
Кылбаҥ курдук кыйаабыл
Угунан ылан тарыйан,
Утуу-субуу хаһыйан,
Көҕүс-көҕүс быспыттар,
Күрүө-субуу гыммыттар...

Күлүм-дьирим умайар
Күммүт уота күрэнэн,
Сүрэҕи-быары сүүдүтэр
Сөрүүн киэһэ буолуута,
Сүүрэ-көтө мөхсүбүт
Сүрэх-бэлэс уолаттар
Унаар-мэнээр хонууга,
Оһоҕос курдук субууга,
Бары тэҥҥэ бараннар,
Баһан ылан уураннар,
Муспут оту барытын,
Бугул оҥорон барбыттар...
Сыалаах-эттээх оҕуска
Сыарҕа булан көлүйэн,
Буойун күүстээх Ньукууска'
Бугулу түөрэ силэйэн,
Угаайы оту тиэйэрин,
Умнаан. сотон биэрэрин
Кыыстаах уола кэлэннэр,
Кыбыы диэки илпиттэр.
Быһыы-таһаа быгдайбыт,
Былатыан уола обургу
•Кыбыыга кэлбит бугулу
Кыдама үрдүгэр түһэрэн,
Турук оту кэбиһэн,
Тула көтөн чочуйбут...
Бурдук аһа сарайан,
Буһан-хатан хаҥкыйан,
Арыы курдук саһарбыт,
Алаас үрдэ унаарбыт.
Эгил-тэгил улааппыт
Эдэр чэгиэн ыччаттар
Сиэлэн-хааман кэлэннэр,
Сиэрпэ биитинэн түһэннэр,.
28