Page 433 - Сергей Васильев. Хоһооннор, поэмалар

Дии-дии Тиитэп хараҕа уоттанна,
Дэлби ыстаныах курдуксирэйэ дарбайда.

* *
*
Ол кэмҥэ Өлөксөй хойутаан,
Олбуор муннугар ер манаан,
Өкүүчэтин тоһуйан ылла,
Үөрэн, киэҥник ерө тыынна.
Омуннарыгар өр тааллылар,
Уҥуохтуун, сүрэхтиин ууллулар,
Атахтыын айгыр босхо бардылар,
Аргыый сылаастык уурастылар.

Истээх соннору өтөн,
Эттэрин итиитэ холбосто;
Сүрэхтэрэ тэҥҥэ тэбэн,
Сүрдэрэ, дьоллоро куустуста.
Хосторугар үөмэн киирдилэр,
Куустуһан олорон кэпсэттилэр.
Онно-манна тиийдилэр,
Орто дойдуну сэттэтэ эргийдилэр,
Оҕолонуох, урааланыах буоллулар,
Унаар халлааны сэһэнинэн толордулар.
* *
*
Аҕыйах хоноот комсомоллар
Аһаҕас мунньахтара буолла.
Сахалар, нууччалар бааллар,
Саала иһэ ыга туолла.

Араатардар таҕыстылар,
Араастаан сорохтор утарыластылар.
Сир тиэр’биттии сирэлистилэр,
Сирэйдиин, харахтыын тириттилэр.
Ханнык эрэ аҕабыт кыыһын,
Халыҥ биир атыыһыт уолун
Кур туулуу кумалаатылар,
Комсомолтан кыйдаан таһаардылар.
427