Page 434 - Сергей Васильев. Хоһооннор, поэмалар

Түүннэри үҥкүүнэн битийбиттэри,
Түүнүктүү буударанан биһиммиттэри
Түүлэрин кустуу үргээтилэр,
Төкүнүтэн түнэлии имиттилэр.

Өлөксөйгө элбэхтик түһүөлээтилэр,
Өргөстөөх тылын&н бигээтилэр.
Кубаача туран «көмүскээтэ»,
Куудумньулуу хаһан тиниктээтэ:
«...Мин ииппит быраатым,
Мин чугас этим-хааным.
Өлөксөй үтүө комсомол,
Үлэлиир өргөстөөх сытыы уол.
Комсомолтан сотор сат&ммат,
Кур туулуу кумалыыр табыллыбат.
Сайын куоракка хаалларыахха,
Сайдыыга, үлэҕэ тардыахха.
Земпеределгэ ыытымыахха,
Сирэйин, түксү хараардымыахха.
Сокуону дуҕалыы токурутан,
Сорох дьону мунньахтан холдьохпута.
Бэлиитикэни х&ҥас халытан,
Биир колхоһу ыспыта...»

Саала иһз күлүстэ,
Саҥа-иҥэ күөдьүйдэ:
«Кулаак уола Өлөксөйү
Хоһуун сатаан көмүскүүһү...»
Ити кэнниттэн өҥдөҥнөөн,
Элбэхтик дьулуһан тыл көрдөөн,
Кунааха-п Дьөгүөссэ сценаҕа таҕыста,
Кумааҕытын, ачыкытын сиэбиттэн хаһыста,
Уоһа-тииһэ үмүрүҥнээтэ,
Оҥосто-оҥосто лыгырҕаата:
«...Өлөксөй үчүгэй комсомол,
Үлэлиир 'баҕалаах үтүө уол.
Ол эрээри дириҥ дьиэктээх,
Сүрэҕэр улахан дьэбиннээх.

Кулаак кыыһынаан Өкүүчэлиин
Куодарыһан үлэни мэһэйдиир,
42 8