Page 435 - Сергей Васильев. Хоһооннор, поэмалар

Кылаассабай сэргэҕи мөлтөтөр,
Кылааны, өргөһү сыппатар.
Ити туһунан биһиэхэ,
Ээ, прокурорга уонна миэхэ
Кистэлэҥ суруктар киирэллэр,
Кинини элбэхтик үҥсэллэр.
Ол туһунан —
Олохтоох сириттэн-дойдутуттан,
Улуус суруксута Тиитэптэн
Олуйан-моһуйан ыйыопыкка,
Улахан суолтатын быһаарбыкка
Оҕонньор билинэн туоһулаата,
Ону суругунан ытаһалаата.
Өлөксөйү, дьэ көрүөххэ,
Өрөбөлүүссүөннэй сокуоннаһы
күүһүрдүөххэ! »—
Диэтэ, ачыкытын уһулла,
Тириппит тумсун туура сотунна,
Тоноҕоччу курдук хараҕынан
Тунаарыччы тула көрдө,
Тутум саҕа атаҕынан
Тоһугур гына ыстанан түстэ.
Уолаттар, кыргыттар айманнылар,
Уончалыы буолан адаарыһан турдулар.
Сорохтор:
«Сирэйин саптан комсомолга киирбит,
Сэбиэскэй былаас силиһин кирбит,
Кулаакка оҕо буолан иитиллибит,
Кулаак кыыһыгар кута-сүрэ эриллибит,
Колхоһу-артыалы үрэйбит,
Аатын-сураҕын түһэр'бит,
Өлөксөйү — кулаагы,
Өтөн киирбит сыдьааны
Ком-сомолтан түргэнник таһаарыахха,
Хомурбут суолун оҥоруохха»,—
дэстилэр.
Сорохтор:
«...Суох, оннук буолуон сатаммат,
Кулаактарга комсомол таптаммат,
Туох эрэ манна көрдүйэр,
429