Page 436 - Сергей Васильев. Хоһооннор, поэмалар

Өстөөх үөмэн сыбдыйар...» — дэстилэр.
Директор аргыый турда,
Дириҥник өрө тыынна.
Хаалтыһын көннөрү тардынна,
Бытыгын туора сотунна:
«Оҕолоор! Бу боппуруоһу тохтотуохха,
Улууска, уокурукка туруоруохха.
Манна кылаастар хатыһыылара,
Хаһыырар хабараан хапсыһыылара.
Сыыспакка дириҥник чинчийиэххэ,
Сыыстары-буордары ыраастык
сиппийиэххэ.
0ЛӨКСӨЙ к и м и н ө с с ө ү ө р э т и э х х э ,
Өкүүчэ төрдүн эмиэ ирдэһиэххэ...»
Кунаахаптаах,
Кубаачалаах:
«Өкүүчэ кулаак кыыһа,
Өкүүчэ кулаак кыыһа»,—дэстилэр.
Өндөһө-өндеһө мөҕүстүлэр.
Үмүөрүһэн, итинэн мунньахтаан бүттүлэр.
* *
*
Өлөксөй киэһэ хоһугар,
Үрүҥ сыттыгын анныгар
Төбөтүн уган сытта;
Түҥ хараҥа кинини ыкта.
Ааны дьоҕойон тоҥсуйан,
Аргыый, Өкүүчэ мичээрдээн киирдэ.
Кыратык оонньоон тоҥхойон,
Уруккулуу, эҕэрдэ биэрдэ.
Аҕылаан, арыый уоскуйдн,
Сонун тимэҕин сүөрдэ.
Эмискэ, Өлөксөй ыстанан турда,
Илиитинэн ааны ыйда:
«Тахса оҕус букатын
Харахпар көстүмэ адьаһын,
Суолбут биһиэнэ аҥылар,
Дьолбут, үөрүүбүт туспалар...»
Кыыс өйдөөбөккө үтүгүннэ,
Кычыгыраччы күлэн хаадьы гынна;
430