Page 438 - Сергей Васильев. Хоһооннор, поэмалар

«Түксү, тохтоо саҥарыма,
Түүҥҥү куоскалыы хатаныма!
Тоҥ тимир бэйэлэниэх,
Муус болгуо еүрэхтэниэх!
Тахса оҕус тар дыма,
Харахпар аны көстүмэ!..»—
Кыыс тааһынан охс/буттуу,
Кыайан тыыммакка уҥмуттуу
Адьас далбааран турда,
Аргыый ааны сабан таҕыста.

Өлөксөй уҥуоҕа хамсаата,
Өрүкүйэр сүрэҕэ кыланна.
Остуолга бүк түһэн олордо,
Уһун уһуннук уһуурда.

Кыһыл сибэкки анныттан,
Кыстаммыт кумааҕы быыһыттан
Кыыс хаартыскатын булан,
Кыратык имэрийэ сотон,
Өр утары көрдө,
Өрө тыына-тыына бөттө.
Халыҥ хаартыска үрдүгэр
Харах уута таммалаата,
Күлбүт кыысчаан мөрсүөнүгэр
Күөх уу сыккыраата;
Уол уҥуоҕа халыр салҕалаата,
Уоһун быһыта ытырбахтаата,
Уонна хаартысканы ылан кумалаата.

Кыыс уулуссанан истэ,
Кыс хаары тобугунан кэстэ.
Хараҕын адьас чыпчылыйбат,
Ханна да аралдьыйбат.

Олоҕун 'бкһыта толкуйдуур,
Уоһа тугу эрэ ботугуруур.
Аҕыйах мүнүүтэ иһигэр
Аан дойду аһыытын уймахтаата.
Эдэр кыысчаан түөһүгэр
Эмньик сүрэх ыһыытаата.
432