Page 79 - Сергей Васильев. Хоһооннор, поэмалар

Кураайы дүөдэбит күөх кырса кытаран,
Туос курдук куурара, буорунан көрөрө.
Аһыҥа сырдырҕаан, уот буолан салыыра,
Амырыын сут туран алдьархай ааҥныыра...
Оруоска кириэстиин убайдыы-бырааттыы,
Улуу сут уоспалыын аҕастыы-балыстыы, —
Олохтоох баайдардыын куустуһан кэлэннэр,
Ой тыалыы охторон, кумалыыр этилэр...

Үргүөр, чэҥ бэлэстээх хотугу муорака
Сүүһүнэн үрэхпит сылбаҕы симэрэ,
Эмиэ ол кэриэтэ, норуоппут олоҕо,
Сиҥнэстэр тиит курдук, иэҕэйэн иһэрэ.
Итинник иэдээҥҥэ эстиигэ тиэрпитэ
Үрүҥ саар хос бастаах өрүөллээх торуона,
Хараҥа иоруоту хам ылан тууйбута,
Хаан өһөх суруктаах, хара-дьай сокуона...

Сол курдук, сур бөрө сокуона оокуоннаах,
Сор суоллаах олоххо олоорпут биһиги.
Тыһы кыл тыыҥҥытын быһыам диир, чымааннаах
Тыҥырах тыытыла буолбуппут биһиги.
Үрүҥ күн үөрүүлээх күлүмүн көрдөрбөт,
Үллэр муус булгунньах балаҕан иһигэр
Үс үйэ хаамыытын елүүнэн мээрэйдээн,
Үтүргэн бөҕөҕө олоорпут биһиги...

* * *'
Күн-Ленин үөрэтэн, үүннэрэн көтүппүт
Хотойун кэккэтэ биһиэхэ үүрүллэн., —
Күр муустаах кос сирин көхсүгэр «көһүйэ», —-
Күлүүстээх сыаптанан үгүстүк кэлэрэ.

Хаайыынан бохсубут хара-дьай дьылларга,
Хараҥа тыаларга, ыалдьыбыт ыалларга,
Эн үтүө до-ҕоргун Сергону көрсөрбүт,
Эмтиирин-томтуурун элбэхтик көрөрбүт.

Эрэйдээх эрэйин этэрин таптыыра,
Күн-Серго көмүскэл илиитин биэрэрэ,
73