Page 81 - Сергей Васильев. Хоһооннор, поэмалар

Таас хайа тоҥ чэҥэ сүүрүккэ суулунна,
Үргүбүт сылгылыы, айманан уһунна.
Урукку, иһийбит тоҥ кыраай уһуктан,
Сибэкки киистэтэ күөгэйэ нусхайда,
Күөх кырыс чэлгийэн көбүөрдүү симэнэн,
Киэҥ биэрэк унаара-мэнээрэ дэлгуйда.
Тапталлаах, киэҥ Лена күөх нуолур биэрэккэ
Таһымнаан таҕыста киэҥ хочо устунан,
V Ол курдук олохпут харгыны билбэккэ
Уһунна улуу дьол ыллыктаах суолунан.
Кремль чаһыта лыҥкьгныы ыллаата;
Биһиэхэ сарсыарда, күөх халлаан чаҕыла
Илинтэн арыллан күндээрэ сырдаата,
Хоммут уос хоһооно Ленаны туораата...
Үлүскэн сүүрүктээх киэҥ Лена хотуммут
Холкутук хотугу байҕалга суккуйда,
Кытыыга лөглөйбүт күөх арыы талахпыт
Күндээтин кехсүгэр күлүгүн көрүннэ.
Киэҥ халлаан чаһыта — үйэлээх үрүҥ күн
Үөһэнэн кылбааран кубалыы уһунна,
Күлүмнээн кемүстүү саккырыыр аалыыта
Эҕиҥнжир эрэһэ долгуҥҥа тэҕунна.
Ол Лена эбэбит биэрэгэр дуол саҥа
Куораттар, тутуулар, заводтар көстөллөр;
Субуллар хоп-хойуу буруолаах суон хара
Хоройбут турбалар халлааҥҥа ууналлар.
Билигин, урукку сэки-маар сыһыыга
Бухатыыр трактор буор кырсьш элийэр.
Хас алаас үрдүгэр — колхозтаах селоҕа
Киэҥ түннүк чаҕыла килбэҥнии сыдьаайар.
Ырааҕы-чугаһы үргүлдьү сибээстээн.
Телефон быалара дыргыһан бараллар;
Систэри-маардары уҥуордуу чиэрэстээн
Симиилээх буор суоллар нэлэһэ сыталлар.

, * * *
Лена биир балтыгар — Алдаҥҥа хайаны
Аннынан курдаттыы шахтаны хастыбыт;
75