Page 80 - Сергей Васильев. Хоһооннор, поэмалар

Дьадаҥы саханы көҥүлгэ ыҥыран
Большевик партия күрэҕэр түмэрэ.

Нохтолоох сүрэхтиин долгуйан. истэрбит
Ол Серго көҥүлгэ ыҥырар саҥатын:
«Күлүмнүүр сырдыгы көрдөһүҥ!» — диэбитин,
«Көҥүлү булуоххут, охсуһуҥ!» •— диэбитин.
Хаарыаннаах Серголуун кэккэлии хаамара
Хаайыыга аналлаах — доҕорбут Эмэлдьээн.
Балаҕан барыгар Ленини ааҕара,
Большевик бастакы кэккэтин иитэлээн.

Ол бобо бааллыбыт кынаттаах хотойдор
Силлиэни биттэнэн сиринэн дайаннар:
«Дьол төрүүр сиригэр көтүөҕүҥ!» — дииллэрэ
Ыал ахсын күн курдук кылбааран киирэрэ.
Ол онтон сахалар уһуктан турбуппут,
Симиктик умайар көмүлүөк инниттэн.
Саҥарбыт саҥабыт сатаҕа барбыта,
.Аан дойду ырыатын1 баалыгар холбоһон.
Октябрь күүрээннээх этишин этитэн,
Нууччабыт эрчимнээх илиитин ууммута.
Тоҥ хаайыы дьэбиннээх күлүүһүн алдьатан,
Сахаҕа үрүҥ күн сырдыгын аспыта.
Кзрэтиэн, кытаанах муҥнары ааспыттар,
Кытарбыт тимири үрдүнэн хаампыттар —
Билигин үрүҥ күн сырдыгын көрбүпиүт,
Күөх хочо күөнүгэр бу көҥүл көппүппүт.

ИККИС АҤАРА

Кыпчыйбыт кыһалҕа хараҥа күлүгэ,
Кырыыстаах түүн курдук, кыйданан арахта;
Туруйа кыыл мунан ытаабыт тумана
Туундара үрдүгэр быданан баранна.

Күндээрэр күн уота күлүмнээн таҕыста,
.Дьол-ооргу чыычааҕа уйатын тутунна.

1 Интернационал.
74