Page 83 - Сергей Васильев. Хоһооннор, поэмалар

Аатырар кылааппыт: сиэринэй канчадаал
Бу Лена хайатын тэллэҕэр — дьапталҕа,
Ууллубут сиби.ньиэс, килбэйэр курустаал,
Мэктиэтин, кыдьымах мууһунуу, халҕаһа.
Тырымныыр үчүгэй толбоиноох мыраамар —
Тымныылаах Дьааҥыга тулааһын баҕана;
Араҥа сүлүүдэ, араҥас таас дьантаар —
Өргөдьөй эҥэрин ойуута-дьарҕаата.

Кылааппыт: даркылыы кыстаммыт кыыл муоһа,
Кэмпэндээй туттайар булгунньах таас тууһа,
Киэҥ Садын күндээрэр исландскай шпата,
Абалаах тураҥын хомурах суодата.

Кылааппыт: хорҕолдьу.н быыһыттан көстүбүт,
Ып-ыраас кылбайбыт баай үрүҥ көмүспүт;
Сир хорук тымырын уступай бу тыкпыт,
Саһархай дьүһүннзэх хойуу нефть сүүрүкпүт.

Күн уота хайаҕа бу баайы туоһулаан
Күндээрэр күлүмүн күллэрэ оонньоото;
«Көмүһүм», «алмааһым», — диэбиттии курулаан,
Көмүстээх үрүйэ сүүрүгэ тыаһаата.
«Торҕо күөх дойдуга
Тулааһын буоллун! — диэн,
Кыргыһар күннэргэ
Кылыспыт буоллун! — диэн,
Бу манна таас чохтоох
Донбаһы аһыаҕыҥ,
Уһаарыы тимирдээх
Уралы айыарыҥ,
Баһыллар баай нефтээх
Бакуну булуоҕуҥ,
Туолбаттан бензини
Турбанан сүүрдүөҕүҥ!
Наада дуо кыраайга,
Наада дуо кыайыыга, —
Күөх толбон ойуулаах
Мыраамар тааһынан
Былыттыын аалсыһар
Дыбарыас тутуоҕу?!
77