Page 78 - Сергей Васильев. Хоһооннор, поэмалар

Ырыабыт дьиэрэйэр-иьиргийэр баалланан
Килбиэннээх Кремль иһигэр киириэхтин,
Сайдыбыт сахалыы тылынан саҥаран,
Эйиэхэ уруйу-айхалы этиэхтин!

Ырыабыт улуу сир уорҕатын устунан
Дуорайан Крымҥа, Кавказка тиийиэхтин,
Батталтан быыһаабыт нууччаҕа махтанан
Төлөннөөх баараҕай баһыыба биэриэхтин!

МАҤНАИГЫ АҤАРА
Кыһыҥҥы кыыдааны үс муоһун тоһутан
Самаан саас сандааран, саһаан хаар ирэрэ,
Силиһи силгэйэн, хаспаҕы хайытан,
Сис уута киирэрэ, сир ийэ тиллэрэ.

Аҥааттар киэҥ Лена сүурүгэ кутуллан
Арыыны, талаҕы үрдүнэн ылара,
Көмүлгэн аннынан бурууктуу будуллан
Тумулу суурайан, киэҥ сүнньүн солуура.

Оччоҕо эрэ, дьэ дьэгдьийэ түһэрбит:
Нэк сону устаммыт итиини билэрбит,
Соҕотох ынахпыт суоратын сиэһэрбит,
Соболоон, мундулаан өллөнөн кэлэрбит.
Өрүттэн даҕаны өр барбат буоларбыт:
Уйгулаах сирбитин баай аймах уктара,
Киһиэхэ сөренөр күөх солко өлөҥнөөх
Киэҥ алаас сыһыыны сабардыы сытара.

Ол сирбит быйаҥын киниэхэ орооммут
Күннэтэ оҕустуу көлүллэр этибит.
Бардам баай ап-чарай илимэр итнэммит
Бакаайы кэтэрбит, бакыйан иһэрбит.

Дьадаҥы муҥнаахтар куоҕастаах тыымпыга
Үүрүллэн, дьэбэҕэ булкулла сылдьарбыт,
Киһини өттүгүн баһынан дулрара
Кэтиллэн, сүһүөҕү былдьатан охторбут.
72 /