Page 102 - Сергей Васильев. Өлбөт өрөгөй

Тула оҕолор кэпсэтэллэр,
Тугуй, тугуй — дэсиһэллэр,
Туохтан сөҕөн айманаллар,
Тохтообокко саҥарсаллар?
Кэлэр күннэрбит кэнчээрилэрэ
Кинилэр ити сылдьаллар.
Орто дойдубут чуорааннара
Онно оонньоон чугдаараллар.
Буһурук итии куйааһы
Тиритэ-хорута туойдарбыан!
Үөрүүлээх маннык айдааны
Өрүү иһиллии турдарбыан!
Сайылык, сыһыы тулатынан
Саҥа-иҥэ сатаарыйдын!
Алар-чараҥ саҕатынан
Айдаан тойук чугдаарыйдын!
1946 с.

УЛУУ ЛЕНАМ
Үрдүктэн,
Үс хайа арҕаһыттан,
Өндөйөн, анааран көрдөххө:
Өлүөнэ эбэккэм барахсан
Кырыйыы көмүс курдуу
Кылбаһыйа сытаахтыыгын...
Долгуһуйар киэҥ кытылгынан,
Торҕо күөххүн тэлэ силэйэн
Кытыыгар сүүрэн киирэбин.
Кыһыл кумаххынан сүүрэн
Кылыгырас уугун кэһэбин...
Таалалаан уһуктар дьахтардыы
Наҕылгын даҕаны, барахсан...
Налыйан-наскыйан түһэҥҥин.
88