Page 107 - Сергей Васильев. Өлбөт өрөгөй

Ол ортотугар «Кыһыл Маай»
Уһулуччу «Маай дуо» дэппит Маай,
Сыллата ырыанан ньиргийэн кэлэр,
Сылааһынан сыламныы тыгар.
Аан дойдуну киэргэтээччилэр,
Аартыгы-суолу солооччулар,
Куораты, дьиэни тутааччылар,
Хонууну-толоону кэҥэтээччилэр,
Бары, бастаан иһэр чэрдээх илиилээхтэр,
Бар дьон төлкөтүн айааччылар,
Бүгүм үрдүк үөрүүнэн,
Бүрү-бүттүүн бииргэ түмсүүнэн
Парадтаан кэккэлии хаамсаллар,
Бары биир кэрэ ырыаны ыллыыллар...
Аан дойду чэрдээх илиилээҕэ,
Айхаллаах кэрэҕэ-үтүөҕэ баҕалааҕа
Барыта тахсан ыллыыр күнэ
Бастыҥ, күнтэн эрэ күндү кэрэ:
Маай онон биһиэхэ кэрэ,
Дьол, эйэ, сырдык күндү күнэ!
1953 с.

ЭН ИЛИИ БАТТААТЫҤ
Оҕо ньулдьаҕай тарбахтарыҥ
Уҥуоҕа өҥүргэс эрдэҕиттэн
Улаатан кытаатыар дылы,
Лаһыгырас үрүҥ кумааҕы
Лаахтаах иэнигэр
Эрийэ солбуу тардан
Илии баттаатыҥ да ини!
Ыҥырыы таһааран, ыйаах суруйан
Ыраах ыалларгын, чугас дьонноргун
Үлэ күүрээнигэр, сайдыы сардаҥатыгар
Үмүрү тартын- да эта!
93