Page 106 - Сергей Васильев. Өлбөт өрөгөй

Оол көстөр ыраахтан кылбайан
Уоттаах-күөстээх эн оскуолаҥ!
1953 с.

ОКТЯБРЬ
Олбуор аанын үрдүгэр
Уолум былааҕы саайар;
Кыысчааным тиэтэлинэн түөһүгэр
Кыһыл хаалтыһын баанар.
Кыралар тула эккирэһэллэр,
Кыҥкыначчы-дьиэрэччи ыллаһаллар.
Ыалларым бары тэринэллэр,
Ырыанан-үөрүүнэн ньиргийэллэр...
Кэтнт да уулуссалары ыга киэптээн
Коллективтар парадтыыллар,
Ленин знамятын аннынан хардыылаан
Эйэни-дьолу айхаллыыллар...

Аан дойду чэрдээх илиилээҕэ —
Араҕас да дьүһүннээҕэ, маҥан да көрүҥнээҕэ —
Бука бары бүгүн бииргэ парадтаан,
Полиция, жандарма буомнарын бурайталаан
Эйэ холуубун куорат аайы, ыал аайы ыыталлар,
Ис сүрэх эҕэрдэтин ыллыыллар...
Олус даҕаны маннык күнү таптыыбыт,
«Октябрь, туругур!» — диэн уруйдуубут.
1953 с.

МАЛИ
Биһиги кэккэбит ортотугар,
Биһиги төрөөбүт дойдубутугар,
Күн барыта үөрүү,
Күндү, кэрэ, күүрүү...
92