Page 125 - Сергей Васильев. Өлбөт өрөгөй

Өлбөөдүйбэт сандал сааһын кэриэтэ
Саамай маҥнай сэрэнэн-сэрэнэн
Саҥата суох эйигин кууспуппун,
Хоргустан дуу, үөрүүттэн дуу
Хорҕолдьун курдук уулбуппун!
Ол,—
Үйэм биир кэрэтэ,
Өлбөөдүйбэт үтүө бэлиэтэ,
Санаатаҕым ахсын дьолго ыҥырар,
Саппаҕырбат сандал сааскым буола турар...
1954 с.

УКРАИНА ТОЛООНУГАР
Улуу Украина,
Усталаах-туоралаах уорҕаҕар
Уол кылааммар сылдьаммын
Уйаммын-хатаммын билиммитим.
Эн чэлгиэннээх кырдалларгын чиэрэстээбитим,
Иэннээх сыһыыларгын уҥуордаабытым,
Дириҥ аппаларгар кирийбитим,
Туруору дабааннаргар хатаастыбытым.
Эбэккэм,
Тобуктаан, сынан туоруох диэтэххэ—
Туймаарыйан түһэн
Толооннордоох да этиҥ.
Аттаан, сыылан ааһыах диэтэххэ —
Аҥаарыйан түһэн
Айдамнардаах да этиҥ.
То50ноҕум дьуххарбыта.
Тобугум чэрдийбитэ...
Элбэх да окуопаны оҥостон
Иэҥҥин ойуулаатым этэ...
111