Page 126 - Сергей Васильев. Өлбөт өрөгөй
P. 126
Кутуйахтааҕар үгүстүк
Холлороону хастан хоммутум,
Куобахтааҕар үгүстүк
Хоҥуруо күлүгэр сынньаммытым...
Биирдии соһумардарга
Үйэлэр кутталларын куттанан,
Биирдии түбэлтэлэргэ
Үйэлэр үөрүүлэрин үөрэн,
Хардыыны хонук оҥостон,
Хонугу үйэ оҥостон,
Өр даҕаны туораатым этэ
Өлүү илэ үҥкүүлээбит толоонун.
Халлаан сырдыыта
Хара баттахтаах бэйэм
Күн ортотугар тиийбэккэ
Көгөччөр көрүҥнүйбүтэ,
Чаанньык быстыҥар тиийбэккэ
Чанчыгын аһа кыырыктыйбыта.
Дан дойду дьылцатын быһааран,
Аламай күн сырдыгын былдьаһан,
Ыраас да санааланан
Ырааҕы да курдаттыы көрөн,
Үөт анныгар өрөтөлөөбүтүм,
Өлүүнү утары үөмүтэлээбитим...
Житомир чугаһыгар,
Сэрии буолбут ойуурун аттыгар
Кый буулдьаҕа табыллан,
Кыа хааммынан
Кырсы кырааскалаабытым,
Хорук тымырым хаанынан
Кумаҕы силимнээбитим...
Киевкэ киирэн,
Госпитальга сытан
112
