Page 122 - Сергей Васильев. Өлбөт өрөгөй

Бүттүун бу биһиги — советскай норуот курдук,
Күөх унаар дойдуларыгар
Көҥүл ырыанан күүлэйдиэхтэрэй,
Сымна^ас солко хонууларыгар
Сылаас тапталга таалалыахтарай?
Өрүс барыта
Өлүөнэм курдук, Волгам курдук
Харгыны билбэккэ
Халыһыйа сүүрэрэ буоллар,
Алаас барыта
Аммам курдук, Кубаиым курдук
Үтүмэн өҥүнэн
Өрө үллэн чэлгийэрэ буоллар,
Аан дойду барыта
Соргута сонуо этэ,
Өрөгөйө үрдүө этэ.

Киһи барыта
Бу биһиги курдук,
Күөх унаар дойдутугар
Көҥүл-босхо күүлэйдиирэ буоллар,
Сылаас илгэ салгыныгар
Сынньалаҥнык сыламныыра буоллар,
Бар дьон сырдык ньууругар
Барык-күлүк сүтүөх этэ!
Ыччат да, кырдьаҕас да ортотугар
Ытыыр-соҥуур астыах этэ!

Онно сирдиир, чаҕылыйар,
Улуу суол нэлэһийэр...
Халлааҥҥа этиҥ хабырыттар,
Хатан уот бытарыттар...
Дьон-норуот түмүллэр,
Туругур ССРС дэһэллэр!
1953 с.
108