Page 123 - Сергей Васильев. Өлбөт өрөгөй

МАҤАН БАТТАХ

Мин даҕаны
Хаһан эрэ
Хаһыҥы билбэтэх
Хара лаахтаах баттахтааҕым,
Курааҥҥа кугдарыйбатах
Куударалаах бэскилээҕим.
Ийэм эмээхснн
Имэрийэн бүөбэйдиирэ,
Аҕам оҕонньор
Арыҥалыы соппохтуура.
Таптыыр сэгэрим
Нарын тарбахтара
Ньалҕаарыччы тарыыллара,
Куударам быыһынан
Курдат көстө сөтүөлүүллэрэ.
Ол баттахпын
Хаар уулан
Хара лааҕын хастаабатаҕа;
Кырыа охсон
Кылаанын кыырыктыппатаҕа...
Куурускай дуга
Кутаа уот арыытыгар
Куударалаах бэским
Хонук иһинэн кугдарыйбыта;
Икки чанчыгым
Этиэх икки ардыгар туртайбыта.
Ол маҥан баттаҕым быыһынан
Оҕолорум тарбахтара
Умса-умса сөтүөлүүллэр,
Ол куударам долгуннарын үрдүнэн
Доҕотторум харахтарын уота
Тохтоон, оонньоон ааһаллар.
109