Page 127 - Сергей Васильев. Өлбөт өрөгөй

Хос куорсун анньыммытым,
Буулдьам суолун оһорунан
Фроҥҥа төннүбүтүм...
Киһи аймах
Кэскилин быһаарсыбытым,
Өстөөх сэриитин
Өргөһүн тоһутуспутум...
Күн сиригэр көстүөхпүттэн
Күндүттэн күндүнэн:
Эчэйбит илиибин
Эн кыыһыҥ имэрийбитин өйдүүбүн!
Аан дойдуга кэлиэхпиттэн
Ас кэрэтинэн,
Сөрүүн уугунан
Сүрэхпин сөрүүкэппиппин өйдүүбүн!
Өрүү өйдүүбүн
Үйэм үтүө бэлиэтинэн:—
Оҕонньордоох эмээхсин
Утах иһэрпиттэрин,
Аксаана барахсан
Аһынан ытаабытын!
Уон сыл буолан баран
Ол суолбунан аастым.
Толон буулдьаны аннынан
Тобуктаан туораабыг толооммор
Торҕо солко долгуйбут,
Хабараан хаһыынан хаһыыран
Хааммын халыппыт кумахпар
Хампа күөх чэлгийбит...
Туругур,
Дойдум кэрэ
Торҕо солко туһахтата!
Советскай Аҕа дойдум
Солко күөх дьоллоох иэнэ!
1954 с.
113