Page 164 - Сергей Васильев. Өлбөт өрөгөй

АРАМЛАН АРТЫАЛА
Илин халлаан иититтэн,
Итир былыт кэнниттэн
Сарыал уота чаҕылыйан
Саҥа күнүм арылыйан,
Көтөн-ойон күөрэйдэ,
Күлүм-дьирим күөгэйдэ.
Сырдык күнүм сыбарыйан,
Сылаас уотум сыралыйан,
Сирим кырса ириитэ
Сибэкки отум тэтэрэн
Аламай күҥҥэ хайыста,
Аҕырыа курдук арылыйда.
Көҕөрор хонуум үрдүттэн
Күөрэгэй чыычаах күөкэйэн,
Дабыдалын сыыһын даллатан,
Даллайа-даллайа дабайан,
Кемүс күнүм анныгар
Көтөн тахсан көрүлээтэ.
Көҕөрөр ойуур быыһыгар
Күнүм уота сыралыйан,
Мотуок солко нуоҕайдаах
Мутук, лабаа үрдүгэр
Ымыы чыычаах таҕыста,
«Ырып-чырып» ыллаата.

Күнүм уота итийэн,
Көрдөөх сайын чэлгийэн —