Page 166 - Сергей Васильев. Өлбөт өрөгөй
P. 166
Киһи-киһи аайыга
Кэпсиир, этэр буолара:
«Дуобат курдук ыһыллан,
Туспа-туспа олорон,
Көдьүүс-туһа кэлбэккэ,
Күүспүт-уохпут тиийбэккэ —
Кылгаан-дьадайан испиппит,
Кыаммат-түгэммэт буолбуппут...
Муҥу-сору көрөммүт,
Муҥур уһугар тиийэммит,
Баайга-токко кэлэммит,
Баттал илимэр шгнэммит,
Иэскэ-күүскэ киирэрбит,
Иҥиир тараһа буоларбыт...
Билигин саҥа олоххо
Биһиги артыал тэринзн
Күүһү-уоҕу холбуоҕуҥ,
Күүрэн-түллэн туруоҕуҥ.
Оннук артыал буоллахха,
Олох дьолун буллахха,
Тэгил бииргэ үүнэммит
Тэҥнээх ыаллар буоламмыт,
Саҥа суолу аһыахпыт,
Сайдан тыыллан барыахпыт.
Ордук суолу булунан,
Олоҕу-дьаһавы тутунан
Күүстээх ыаллар буолуохпут,
Көнөн-байан иһиэхпит,—
Үскэл сүөһү иитиэхпит,
Үүнүү бэрдин ылыахпыг,
Үөрэх күүһүн тутуохпут,
Үрдүк дьолго тиийиэхпит!»
