Page 176 - Сергей Васильев. Өлбөт өрөгөй

Түбүк-түрүлүөн түспүттэр,
Түүтэх түһэрэн испиттөр.
Субу-субу чоротон,
Соһулуон гына олордон
Кураан уотугар уурбуттар,
Куурдан-хатаран ылбыттар...

* * *
Уоттаах күнүм анныгар,
Унаар долгун үрдүгэр,
Күөрэгэй чыычаах буоламмын,
Көтө-көрүлүү сылдьаммын:
Аныгы олох айхала —
Арамаан совет артыала
Күнүнэн-дьылынан күүһүрэн,
Көҥүл олоҕу күөдьүтэн
Чапчыйан-дарбыйан кэлбитин
Чахчы бэйэм көрөммүн
Үөрэ-көтө ыллаатым,
Үрдүк, дьолу тыллаатым...
1929 с.

СЭТТЭ ТУРУЙА
I
Үөр сэттэ туруйа
Халлааны
Кырыйа
Көтөрө.
Биэс, алта тыымпыны
Үөһэттэн
Курдаттыы
Көрөрө.
Күөл уутун долгуна
Кытыыга
Күүгэннээх
Сүүрэрэ.
162